1- Uşağınızın onurğa sağlamlığına diqqət edin: Uşaqlar bel çantalarını daşımaq üçün onurğalarına çox və səhv yük ata bilər. Bu vəziyyət həm bel ağrısına, həm də duruş pozğunluğuna səbəb ola bilər. Uşağınızın duruşuna diqqət yetirilməlidir. Bununla bağlı “Hər iki çiyin arasında ciddi səviyyə fərqi varmı? Bir çiyin digərindən yüksəkdir mi? Belində bir donqar var mı? Bu kimi suallara cavablar çox vacibdir. Əgər uşağınızın duruşunda hər hansı bir anormallıq görsəniz, mütləq mütəxəssisə müraciət edin.

2- Bel çantasındakı yükü azaldın: 2017-ci ildə aparılan araşdırmaya görə; uşaq bel çantasında bədən çəkisinin 10-15%-dən çoxunu daşımamalıdır. Bel çantasının yükünü azaltmaq üçün uşağınızın həmin gün ehtiyacı olmayan kitabları çıxartdığına əmin olun. Daha nazik dəftərlər və daha yüngül dəftərxana ləvazimatları seçin. Əgər varsa, ağır kitabları məktəb dolablarında qoymaq da daşınan yükün azalmasında təsirli olacaq.

3- Bel çantasını düzgün istifadə edin: Doğru kürək çantasını düzgün şəkildə istifadə etmək onurğa sütununa yükü əhəmiyyətli dərəcədə azalda bilər və mümkün onurğa problemlərinin qarşısını ala bilər. Bel çantasının uşağınız üçün uyğun ölçüdə olduğundan və bel dəstəyi kimi erqonomik xüsusiyyətlərə malik olduğundan əmin olun. Ağır yüklərin daşınmalı olduğu günlərdə təkərli kürək çantası xüsusilə faydalı olacaq.

4- Bel çantasındakı yükü mərkəzləşdirin: Bel çantasındakı əşyaları hər iki tərəfə bərabər paylayın və beləliklə, yükü mərkəzləşdirin. Əgər əşyaları bir tərəfə daha çox ağırlıq verəcək şəkildə paylasanız, onurğada yan əyriliyin yaranmasına səbəb ola bilərsiniz.

5- Çantanın içini nizamlayın: Kiçik və ya iti əşyaların uşağınızın kürəyinə təzyiq etmədiyinə əmin olun. Həmçinin ağır əşyaları onun kürəyinə ən yaxın yerə qoyun. Ağırlıq bədəndən uzaqlaşdıqca, onurğaya düşən yük artacaq. Siz kalkulyator, qələm və kağız kimi yüngül əşyaları xarici bölmələrə doğru yerləşdirə bilərsiniz.

6- Yastıqlı çiyin qayışlarını seçin: Yastıqlı çiyin qayışları xüsusilə boyun və çiyin ağrılarının qarşısını almaqda faydalı ola bilər. Bu tip asılqanlar adətən daha geniş olur və yumşaq materialla doldurulur. Beləliklə, çiyin və boyun nahiyəsindəki yük yüngülləşir və daha geniş əraziyə yayılır.

7- Bel çantasını bir tərəfdə istifadə etməyin: Bel çantasını bir tərəfdən istifadə etmək zəif duruş və əzələ ağrılarına səbəb ola bilər. Bir tərəfli çantadan istifadə moda ola bilər və ya müəyyən yaşlarda yaxşı göründüyü hesab edilə bilər. Ancaq bu, yanlış duruş vərdişlərinin inkişafına səbəb olur. Uşağınıza bu mövzuda lazımi təhsili verməlisiniz.

8- Bel çantasındakı qayışları sıxın: Bel çantalarını ağırlaşdıran ən əhəmiyyətli məsələlərdən biri də çiyin qayışlarını boş saxlamaqdır. Boş çiyin qayışları hərəkət edərkən çantanın hərəkət etməsinə səbəb olur və onurğa üzərindəki yükü artırır. Bel çantasındakı qayışlar elə bərkidilməlidir ki, çantanın bel dəstəyi bel sahəsinə çatsın. Bu şəkildə çanta çox daha asan daşına bilər.

9- Bel kəmərindən istifadə edin: Bəzi bel çantalarında bel kəməri var. Bel kəməri sayəsində yükün bir hissəsi çiyinlərinizdən götürülür. Beləliklə, boyun və bel ağrılarının qarşısı alına bilər.

10- Uşağınızdan bel ağrısı olub olmadığını soruşun: Uşağınız bel ağrısının əhəmiyyətsiz olduğunu düşünə bilər və siz soruşmadıqca qeyd etməyə bilər. Uşaqlıqda yüngül və orta şiddətdə bel ağrısı yetkinlik dövründə daha ciddi problemlərə səbəb ola bilər. Yüngül bel ağrıları yanlış duruşdan və ya səhv çanta istifadəsindən meydana gələ bilər. Bunun səbəbi erkən aşkarlanarsa, uşağınızın duruş vərdişləri də erkən dəyişdirilə bilər.